أح ..... دخل البرد بنات . .
ومع البرد ..
مافي أحلى من عصيدة حارة بالفلفل..
ولو من أيدين مطوره ..يا سلام ..عيني على نفسي بارده...
ما طول عليكم ...
المقادير ...
عدوا معاي ...
1 كأس دبس (أنا أحط ثلاث أرباع الكاس عشان ما تصير تمرية حيل)
2كاس طحن بر (أسمر)
3كاسات ماء حار
أول شي ناخذ جدر ..
ونصب فيه الماي الحار ونضع عليه الدبس ونحركه لحد ما ينخلط الدبس ...زي شذي...
بعدين نضيف الطحين كاس ورا كاس ونخلط ...وبيصير شذي ..
بعدها نغطية و ندخله الفرن ونكون مشغلينه من قبل ...(يعني حار)
وبعد عشر دقايق كذا نطلعه وبصير كذا تكونت فوقه طبقة ..أو بس في الجوانب..لا تخافين عادي خلطية وبيصير تمام ..وممكن أستخدام خلاط الكيك أحسن ...ولا بتنهد أيديك في الخلط أو أستخدمنهم أثنينهم مثلي .. ورجعية الفرن ..
بعد حوالي عشر دقايق..أقل ممكن ...أكثر لا ..
طلعيه وبعد خلطية وأذا شفتيه متكتل شوي عادي ...كله بروح بعدين . .. واذا شفتية حيل ثقيل وشاد وياك زيديه ماي ..وهالزياده في كل وقت تقدرين تزيدية ..
لأنك بطلعي ودخلي كثير ..
بعدها دخلية الفرن ..
وكل خمس أو عشر دقايق طلعية وخلطيه لعدة مرات.. وبتلاحظين أن لونه تغير ...
زي كذا ...
وفي النهاية ... بعد ما ينضج..بعد حوالي الساعه (والوقت يزيد على حسب الكمية كل ما زادت الكمية زاد الوقت)
كذا بيكون شكله ورشي فوقه فلفل أو حطي الفلفل من البداية مع الطحين ..
لكن عشان الصغار ياكلون منه أحط الفلفل بعدين كل واحد وكيفه .
.
ملاحظة ..
الكمية الي سويتها في الصور..
ثلاث أضعاف المقادير ....
يعني9أكواب ماء ..
6أكواب طحين
3أكواب ماء..
الأفواه الجائعه كثير
صحة وعافية على قلوبكم ...أح برد...